ಫಿಸಿಯೊಥೆರಪಿ ಸರ್ಟಿಫಿಕೇಷನ್ ಕೋರ್ಸ್‍ಗಳ ವಿವರ

ಈಗ ಫಿಸಿಯೊಥೆರಪಿಸ್ಟ್‍ಗಳಿಗೆ ಉತ್ತಮ ಬೇಡಿಕೆಯಿದೆ. ಈ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುವವರು ಸಾಮಾನ್ಯ ಫಿಸಿಯೊಥೆರಪಿ ಪದವಿ ಜೊತೆಗೆ ಸರ್ಟಿಫಿಕೇಷನ್ ಕೋರ್ಸ್‍ಗಳನ್ನೂ ಮಾಡಬಹುದು. ಅಂತಹ ಕೋರ್ಸ್‍ಗಳ ವಿವರ ಇಲ್ಲಿದೆ.

ದೇಹಕ್ಕೆ ಭೌತವಿಧಾನದ ಮೂಲಕ ಚಿಕಿತ್ಸೆ ನೀಡುವ ಫಿಸಿಯೊಥೆರಪಿಗೆ ಹೆಲ್ತ್ ಕೇರ್ ವಿಭಾಗದಲ್ಲಿ ಉತ್ತಮ ಬೇಡಿಕೆಯಿದೆ. ಇದಕ್ಕೆ ಸಂಬಂಧಿತ ಶಿಕ್ಷಣ ಪಡೆದವರು ಕರಿಯರ್‍ನಲ್ಲಿ ಇನ್ನಷ್ಟು ಉತ್ತಮ ಅವಕಾಶಗಳನ್ನು ಪಡೆಯುವ ಆನ್‍ಲೈನ್ ಸಟಿಫಿಕೇಷನ್ ಕೋರ್ಸ್‍ಗಳನ್ನು ಮಾಡಬಹುದು.

 

ಐಎಸಿಪಿ ಸರ್ಟಿಫಿಕೇಷನ್
ಫಿಸಿಯೊಥೆರಪಿಸ್ಟ್, ಫಿಸಿಕಲ್ ಥೆರಪಿಸ್ಟ್, ರೀಹಬಿಲಿಟೇಷನ್ ಥೆರಪಿಸ್ಟ್, ರೀಹಬಿಲಿಟೇಷನ್ ಪೆÇ್ರಫೆಷನಲ್, ಫಿಸಿಕಲ್ ಥೆರಪಿ ಅಸಿಸ್ಟೆಂಟ್, ಫಿಸಿಯೊಥೆರಪಿ ಅಸಿಸ್ಟೆಂಟ್ ಶೈಕ್ಷಣಿಕ ಅರ್ಹತೆ ಪಡೆದವರು ಇಂಡಿಯನ್ ಅಸೋಸಿಯೇಷನ್ ಆಫ್ ಚಾರ್ಟೆಡ್ ಫಿಸಿಯೊಥೆರಪಿಸ್ಟ್ (ಐ.ಎ.ಸಿ.ಪಿ) ನಡೆಸುವ ಫಿಸಿಕಲ್ ಥೆರಪಿಯ ವಿವಿಧ ವಿಭಾಗದ ಆನ್‍ಲೈನ್ ಕೋರ್ಸ್‍ಗಳಿಗೆ ಅರ್ಜಿ ಸಲ್ಲಿಸಬಹುದು. ನೀವು ಈಗಾಗಲೇ ಫಿಸಿಯೊಥೆರಪಿ ವಿಭಾಗದಲ್ಲಿ ಪಡೆದ ಶಿಕ್ಷಣದ ಮುಂದುವರೆದ ಕಲಿಕೆ ಇದಾಗಿದೆ.

ಕೋರ್ಸ್‍ಗಳು ಮತ್ತು ಶುಲ್ಕ
* ಸರ್ಟಿಫಿಕೇಟ್ ಇನ್ ಫಿಸಿಕಲ್ ಥೆರಪಿ: ಶುಲ್ಕ -25 ಸಾವಿರ ರೂ.
ಸ್ನಾತಕೋತ್ತರ ಡಿಪೆÇ್ಲಮಾ ಫಿಸಿಕಲ್ ಥೆರಪಿ ಕೋರ್ಸ್‍ಗಳು:
* ಸೆರೆಬ್ರಲ್ ಪಾಲ್ಸಿ- 12,500 ರೂ.
* ನ್ಯೂರೊ ಫಿಸಿಕಲ್ ಥೆರಪಿ- 14, 500 ರೂ.
* ಪಾಲ್ಮೊನರಿ ಎಕ್ಸರ್‍ಸೈಸಸ್- 14,500 ರೂ.
* ಲೊಕೊಮೊಟರ್ ಡಿಸಾರ್ಡರ್- 14, 500 ರೂ.

ಯಾರು ಅರ್ಜಿ ಸಲ್ಲಿಸಬಹುದು?
ಸರ್ಟಿಫಿಕೇಟ್ ಕೋರ್ಸ್‍ಗೆ ಬಯಾಲಜಿಯಲ್ಲಿ 12ನೇ ತರಗತಿಯಲ್ಲಿ ಪಾಸಾದವರು ಮತ್ತು ಆರ್ಥೊಪೆಡಿಕ್ ಸರ್ಜನ್ ಅಥವಾ ನ್ಯೂರೊಲಾಜಿಸ್ಟ್ ಅಥವಾ ನ್ಯೂರೊಸರ್ಜನ್ ಜೊತೆ ಕನಿಷ್ಠ 5 ವರ್ಷವಾದರೂ ಕೆಲಸ ಮಾಡಿ ಅನುಭವ ಇರುವವರು ಅಥವಾ ಫಿಸಿಯೊಥೆರಪಿ/ಫಿಸಿಕಲ್ ಥೆರಪಿ/ ರೀಹಬಿಲಿಟೇಷನ್ /ಬಿಪಿಟಿ ಇತ್ಯಾದಿಗಳಲ್ಲಿ ಕನಿಷ್ಠವೆಂದರೂ ಡಿಪೆÇ್ಲಮಾ ಪಡೆದವರು ಅರ್ಜಿ ಸಲ್ಲಿಸಬಹುದು.
ಫಿಸಿಯೊಥೆರಪಿ/ಫಿಸಿಕಲ್ ಥೆರಪಿ/ರೀಹಬಿಲಿಟೇಷನ್ ನಲ್ಲಿ ಪದವಿ ಮತ್ತು ಕ್ಲಿನಿಕಲ್ ಅನುಭವ ಇರುವವರು ಸ್ನಾತಕೋತ್ತರ ಡಿಪೆÇ್ಲಮಾ ಕೋರ್ಸ್‍ಗಳಿಗೆ ಅರ್ಜಿ ಸಲ್ಲಿಸಬಹುದು. ಈ ವಿಷಯಗಳಲ್ಲಿ ಸ್ನಾತಕೋತ್ತರ ಪದವಿ ಪಡೆದು, 6 ವರ್ಷದ ಕ್ಲಿನಿಕಲ್ ಅನುಭವ ಇರುವವರು ಪಿಎಚ್.ಡಿಗೆ ಅರ್ಜಿ ಸಲ್ಲಿಸಬಹುದು.
ಈ ಅರ್ಹತೆ ಇರುವ ಯಾವುದೇ ದೇಶದ ವ್ಯಕ್ತಿ ಈ ಕೋರ್ಸ್‍ಗಳಿಗೆ ಅರ್ಜಿ ಸಲ್ಲಿಸಲು ಅರ್ಹರು. ಐಎಸಿಪಿಯ ಸದಸ್ಯರು ಅಥವಾ ಸದಸ್ಯರಲ್ಲದವರು ಅರ್ಜಿ ಸಲ್ಲಿಸಬಹುದು. ಐಎಸಿಪಿಯಿಂದ ಲೈಫ್ ಮೆಂಬರ್ ಅಥವಾ ಪೆÇ್ರಫೆಷನಲ್ ಮೆಂಬರ್ ಆಗಿದ್ದವರಿಗೆ ಶುಲ್ಕದಲ್ಲಿ 25 ರೂಪಾಯಿ ವಿನಾಯಿತಿ ಇದೆ. ಅರ್ಜಿ ಶುಲ್ಕವನ್ನು ಡಿಡಿ ರೂಪದಲ್ಲಿ ಮಾತ್ರ ಸಲ್ಲಿಸಲು ಅವಕಾಶವಿದೆ.
ಅರ್ಜಿ ಫಾರ್ಮ್ ಡೌನ್‍ಲೋಡ್ ಮಾಡಿಕೊಳ್ಳಲು ಮತ್ತು ಹೆಚ್ಚಿನ ಮಾಹಿತಿ ಪಡೆಯಲು ವೆಬ್‍ಸೈಟ್‍ಗೆ ಭೇಟಿ ನೀಡಬಹುದು. npcindialko@yahoo.co.in   ಇಮೇಲ್ ವಿಳಾಸಕ್ಕೆ ರೆದು ಅರ್ಜಿ ಫಾರ್ಮ್ ಕಳುಹಿಸಲು ವಿನಂತಿಸಿಕೊಳ್ಳಬಹುದು.

 

ಪದವಿ ಮತ್ತು ಪಿಜಿ ಕೋರ್ಸ್
ಫಿಸಿಯೊಥೆರಪಿಸ್ಟ್ ಆಗಲು ಬಯಸುವವರಿಗೆ ಮಾಹಿತಿ ನೀಡುವ ಉದ್ದೇಶದಿಂದ ರಾಜ್ಯದಲ್ಲಿ ಫಿಸಿಯೊಥೆರಪಿಯಲ್ಲಿ ಪದವಿ ಮತ್ತು ಸ್ನಾತಕೋತ್ತರ ಪದವಿ ನೀಡುವ ವಿವಿಧ ಶಿಕ್ಷಣ ಸಂಸ್ಥೆಗಳ ವಿವರ ಇಲ್ಲಿದೆ. ಪ್ರಿಮೆಡಿಕಲ್/ಇಂಟರ್‍ಮೀಡಿಯೇಟ್ ಫಿಸಿಯೊಥೆರಪಿ ಬ್ಯಾಚುಲರ್ ಕೋರ್ಸ್ ಮಾಡಲು ಫಿಸಿಕ್ಸ್, ಕೆಮೆಸ್ಟ್ರಿ, ಬಯಾಲಜಿ ಮತ್ತು ಇಂಗ್ಲಿಷ್‍ನೊಂದಿಗೆ 12ನೇ ತರಗತಿ ಪಾಸಾಗಿರಬೇಕು. ಪ್ರವೇಶ ಪರೀಕ್ಷೆಯಲ್ಲಿ ಅಭ್ಯರ್ಥಿಯು ತೋರಿದ ಕಾರ್ಯಕ್ಷಮತೆಯನ್ನು ಅವಲಂಬಿಸಿ ನೇಮಕ ಮಾಡಲಾಗುತ್ತದೆ. ಇಂಡಿಯನ್ ಅಸೋಸಿಯೇಷನ್ ಆಫ್ ಫಿಸಿಯೊಥೆರಪಿಸ್ಟ್ ಅಡಿಯಲ್ಲಿ ರಾಜ್ಯದಲ್ಲಿ 35ಕ್ಕೂ ಹೆಚ್ಚು ಕಾಲೇಜುಗಳು ಪದವಿ ಮತ್ತು ಸ್ನಾತಕೋತ್ತರ ಪದವಿಗಳನ್ನು ನೀಡುತ್ತಿವೆ. ಹೆಚ್ಚಿನ ಮಾಹಿತಿಗೆ ವೆಬ್‍ಸೈಟ್ ಲಿಂಕ್: ಡಿಡಿಡಿ.meqsoಜಿಟಠಿeಛ್ಟಿZmqsಜ್ಞಿbಜಿZ.ಟ್ಟಜ.ಜ್ಞಿ

ಸರಕಾರಿ ಕಾಲೇಜು
* ಡಿಪಾರ್ಟ್‍ಮೆಂಟ್ ಆಫ್ ಫಿಸಿಯೋ ಥೆರಪಿ, ಬೆಂಗಳೂರು ಮೆಡಿಕಲ್ ಕಾಲೇಜು, ಬೆಂಗಳೂರು
ಖಾಸಗಿ ಕಾಲೇಜುಗಳು
* ಬೆಂಗಳೂರಿನಲ್ಲಿ ಆಳ್ವಾಸ್ ಕಾಲೇಜ್ ಆಫ್ ಫಿಸಿಯೋಥೆರಪಿ, ಎಂಎಸ್ ರಾಮಯ್ಯ ಮೆಡಿಕಲ್ ಕಾಲೇಜು, ಆಚಾರ್ಯ ಕಾಲೇಜು, ಫೆÇ್ಲೀರೆನ್ಸ್, ಗಾರ್ಡನ್ ಸಿಟಿ ಕಾಲೇಜ್, ಗೌತಮ್ ಕಾಲೇಜು, ಹೊಸಮಠ ಕಾಲೇಜು, ಇನ್‍ಫಾಂಟ್ ಜೀಸಸ್, ಕೃಪಾನಿಧಿ, ಕೆಂಪೆಗೌಡ ಇನ್‍ಸ್ಟಿಟ್ಯೂಟ್, ಆಕ್ಸ್‍ಫರ್ಡ್, ಪದ್ಮಶ್ರಿ ಇನ್‍ಸ್ಟಿಟ್ಯೂಟ್, ನರಗುಂದ ಕಾಲೇಜು, ಕೆಟಿಜಿ, ದಯಾನಂದ ಸಾಗರ್, ಸಿಟಿ ಕಾಲೇಜುಗಳಲ್ಲಿ ಫಿಸಿಯೊಥೆರಪಿ ಕಲಿಸಲಾಗುತ್ತದೆ.
ಮಂಗಳೂರಿನಲ್ಲಿ ಸಿಟಿ ಕಾಲೇಜ್, ಯೂನಿವರ್ಸಿಟಿ ಮೆಡಿಕಲ್ ಕಾಲೇಜು, ಎಂವಿ ಶೆಟ್ಟಿ ಕಾಲೇಜು, ಕರ್ನಾಟಕ ಕಾಲೇಜ್ ಆಫ್ ಫಿಸಿಯೊಥೆರಪಿ, ಲಕ್ಷ್ಮಿ ಮೆಮೊರಿಯಲ್ ಕಾಲೇಜ್, ಎನ್‍ಐಟಿಟಿಇ, ಕೆ. ಪಾಂಡುರಾಜ ಬಲ್ಲಾಲ್, ಶ್ರೀನಿವಾಸನ್ ಕಾಲೇಜು, ಶ್ರೀದೇವಿ ಕಾಲೇಜ್, ವಿಕಾಸ್ ಕಾಲೇಜ್, ಯನೊಪಯ, ವಿಜಯಲಕ್ಷ್ಮಿ ಇನ್‍ಸ್ಟಿಟ್ಯೂಟ್, ಫಾದರ್ ಮುಲ್ಲರ್ ಮೆಡಿಕಲ್ ಕಾಲೇಜು.
* ಮಣಿಪಾಲ- ಕೆಎಂಸಿಯ ಮಣಿಪಾಲ್ ಕಾಲೇಜ್ ಆಫ್ ಅಲೈಡ್ ಹೆಲ್ತ್ ಸೈನ್ಸ್,
* ಬೆಳಗಾವಿ-ಕೆಎಲ್‍ಇ ಇನ್‍ಸ್ಟಿಟ್ಯೂಟ್ ಆಫ್ ಫಿಸಿಯೊಥೆರಪಿ.
* ರಾಯಚೂರು- ನವೋದಯ ಕಾಲೇಜ್ ಆಫ್ ಫಿಸಿಯೊಥೆರಪಿ.
* ಧಾರವಾಡ-ಎಸ್‍ಡಿಎಂ ಕಾಲೇಜ್
* ತುಮಕೂರು- ಶ್ರೀದೇವಿ ಕಾಲೇಜ್ ಆಫ್ ಫಿಸಿಯೊಥೆರಪಿ.
* ಹುಬ್ಬಳ್ಳಿ- ಕೆಎಲ್‍ಇ ಕಾಲೇಜ್
* ಮೈಸೂರು- ಜೆಎಸ್‍ಎಸ್ ಕಾಲೇಜು.