Sunday 18 September 2016

ಎಕ್ಸೆಲ್ ಅಡ್ವಾನ್ಸಡ್ ಕೋರ್ಸ್ ಕಲಿಯಿರಿ

SHARE
ಈಗ ಬಹುತೇಕ ಉದ್ಯೋಗಕ್ಕೆ ಮೈಕ್ರೊಸಾಫ್ಟ್ ಎಕ್ಸೆಲ್ ಸ್ಕಿಲ್ ಬೇಕು. ನೀವು ಯಾವುದಾದರೂ ಕಂಪ್ಯೂಟರ್ ತರಬೇತಿ ಕೇಂದ್ರಗಳಲ್ಲಿ ಕಲಿತಿರುವ ಬೇಸಿಕ್ ಎಕ್ಸೆಲ್ ಕೆಲವೊಮ್ಮೆ ಸಾಕಾಗದು. ಅಲ್ಲಿ ತಿಳಿಸಿಕೊಡುವ ಸೂತ್ರಗಳು, ಫಾರ್ಮುಲಾಗಳು ಹೆಚ್ಚು ಪ್ರಯೋಜನಕಾರಿಯಾಗುತ್ತದೆ ಎಂದು ಹೇಳಲಾಗದು. ಎಕ್ಸೆಲ್‍ನಲ್ಲಿ ಅಡ್ವಾನ್ಸಡ್ ಆಗಿರುವ ಕೋರ್ಸ್‍ಗಳನ್ನು ಮಾಡಿದರೆ ನಿಮಗೆ ಸಿಗುವ ಉದ್ಯೋಗಾವಕಾಶ ಹೆಚ್ಚಬಹುದು. ಇದಕ್ಕೆ ಸಂಬಂಧಿಸಿದ ಸರ್ಟಿಫಿಕೇಷನ್ ಕೋರ್ಸ್‍ಗಳನ್ನು ನೀವು ಮಾಡಬಹುದು. ಇಂತಹ ಕೋರ್ಸ್‍ಗಳನ್ನು ಮಾಡುವಂತೆ ನಿಮ್ಮ ಮಕ್ಕಳಿಗೆ ಅಥವಾ ಪರಿಚಯಸ್ಥರಿಗೂ ಸೂಚಿಸಬಹುದು.

ಎಕ್ಸೆಲ್ ಫಾರ್ಮುಲಾಗಳು

ಎಕ್ಸೆಲ್ ಅನ್ನು ಸ್ಮಾರ್ಟ್ ಆಗಿ ಬಳಕೆ ಮಾಡಲು ಫಾರ್ಮುಲಾಗಳು ಬೇಕು. ಅದಿಲ್ಲದಿದ್ದರೆ ಎಕ್ಸೆಲ್ ಎನ್ನುವುದು ಕೇವಲ ಮಾಹಿತಿ ಸಂಗ್ರಹಗಾರವಾಗಿ ಬಿಡುತ್ತದೆ. ಫಾರ್ಮುಲಾಗಳನ್ನು ಬಳಸುವ ಮೂಲಕ ಮಾಹಿತಿಗಳನ್ನು ವಿಶ್ಲೇಷಿಸಬಹುದು. ಕಠಿಣ ಪ್ರಶ್ನೆಗಳಿಗೆ ಉತ್ತರಗಳನ್ನು ಕಂಡುಕೊಳ್ಳಲು ಸಾಧ್ಯವಿದೆ. ಸರ್ಟಿಫಿಕೇಷನ್ ಕೋರ್ಸ್‍ಗಳಲ್ಲಿ ಎಕ್ಸೆಲ್ ಫಾರ್ಮುಲಾಗಳನ್ನು ಎಕ್ಸೆಲೆಂಟ್ ಆಗಿ ಕಲಿಯಲು ಸಹಕರಿಸುತ್ತವೆ. ಇಲ್ಲಿ ನೀವು ಖಖಿIಐಊಖ, ಖಖಿIP್ಕuಈಖಿಇS, ್ಖಔuuಓಖಿP, ಐಘೆಈಉಗಿ + IಅSಇಏ, ಫಾರ್ಮುಲಾ ಎರರ್‍ಗಳ ನಿರ್ವಹಣೆ, ಅರ್ರೆ ಫಾರ್ಮುಲಾ, ಸಕ್ಯುಲರ್ ರೆಫರೆನ್ಸ್, ಫಾರ್ಮುಲಾ ಅಡಿಟಿಂಗ್ ಇತ್ಯಾದಿಗಳ ಫಾರ್ಮುಲಾಗಳನ್ನು ಕಲಿಯಬಹುದು.

ಟೇಬಲ್ ಮತ್ತು ಫಾರ್ಮೆಟಿಂಗ್

ಎಕ್ಸೆಲ್‍ನ ಇನ್ನೊಂದು ಆಕರ್ಷಣೆ ಟೇಬಲ್‍ಗಳು ಮತ್ತು ಫಾರ್ಮೆಟಿಂಗ್. ಅಲ್ಲಿ ನೀಡುವ ಮಾಹಿತಿಯನ್ನು ಆಕರ್ಷಕವಾಗಿ ಪ್ರಸ್ತುತ ಪಡಿಸಲು ಈ ಟೂಲ್‍ಗಳು ನೆರವು ನೀಡುತ್ತವೆ. ಟೇಬಲ್‍ಗಳು, ಸೆಲ್ ಸ್ಟೈಲ್‍ಗಳು, ಫಾರ್ಮೆಟಿಂಗ್ ಆಯ್ಕೆಗಳನ್ನು ಅಡ್ವಾನ್ಸಡ್ ಎಕ್ಸೆಲ್ ಕೋರ್ಸ್‍ಗಳಲ್ಲಿ ಕಲಿಯಬಹುದು. ಟೇಬಲ್ ರಚಿಸಲು ಟಿಪ್ಸ್‍ಗಳು, ಫಾರ್ಮುಲಾಗಳನ್ನು ಕಲಿಯಲು ಎಕ್ಸೆಲ್ ಸರ್ಟಿಫಿಕೇಷನ್ ಕೋರ್ಸ್‍ಗಳು ಉತ್ತಮ ವೇದಿಕೆ.

ಕಂಡಿಷನಲ್ ಫಾರ್ಮೆಟಿಂಗ್

ಇದಕ್ಕೆ ಶಾರ್ಟ್ ಮತ್ತು ಸ್ವೀಟಾಗಿ ಸಿಎಫ್ ಎನ್ನುತ್ತಾರೆ. ಇದು ಎಕ್ಸೆಲ್‍ನ ಪವರ್‍ಫುಲ್ ಫೀಚರ್. ನಿರ್ಬಂಧಿತ ಫಾರ್ಮೆಟಿಂಗ್‍ನಲ್ಲಿ ನೀವು ನೀಡಿರುವ ಮಾಹಿತಿಯಲ್ಲಿ ಯಾವ ಭಾಗವು ಹೈಲೈಟ್ ಆಗಬೇಕೆಂದು ಸೂಚಿಸಲು ಸಾಧ್ಯವಿದೆ. ಅಂದರೆ ಟಾಪ್ 10 ಗ್ರಾಹಕರು, ಟಾಪ್ 10 ಶಾಲೆಗಳು, ಉನ್ನತ್ತ ಅಧಿಕಾರಿಗಳು, ಕೆಳ ಅಧಿಕಾರಿಗಳು, ಉತ್ತಮ ಕಾರ್ಯಕ್ಷಮತೆ ತೋರುವವರು, ಕಳಪೆ ಕಾರ್ಯಕ್ಷಮತೆಯ ಉದ್ಯೋಗಿಗಳು ಹೀಗೆ ಯಾವುದನ್ನು ಮಾತ್ರ ಹೈಲೈಟ್ ಮಾಡಬೇಕೋ ಅದನ್ನು ಮಾತ್ರವೇ ಹೈಲೈಟ್ ಮಾಡಲು ಸಾಧ್ಯವಿದೆ. ಸರಳವಾಗಿರುವ ಕಂಡಿಷನಲ್ ಫಾರ್ಮೆಟಿಂಗ್ ರೂಲ್ಸ್‍ನಲ್ಲಿ ಯಾರೂ ಬೇಕಾದರು ಸುಲಭವಾಗಿ ಸೆಟಪ್ ಮಾಡಬಹುದು.

ಅಡ್ವಾನ್ಸಡ್ ಚಾರ್ಟಿಂಗ್

ಸ್ಪ್ರೆಡ್‍ಶೀಟ್‍ನಲ್ಲಿ ಎಲ್ಲಾ ವಿಶ್ಲೇಷಣೆಗಳನ್ನು ಗುಡ್ಡೆ ಹಾಕಿ ಏನೂ ಪ್ರಯೋಜನವಿಲ್ಲ. ಚಾರ್ಟ್‍ಗಳನ್ನು ಬಳಕೆ ಮಾಡುವುದನ್ನು ಕಲಿತರೆ ಎಕ್ಸೆಲ್‍ನಲ್ಲಿ ಇನ್ನೂ ಅಂದವಾಗಿ ಮಾಹಿತಿಗಳನ್ನು ಪ್ರಸ್ತುತಪಡಿಸಬಹುದಾಗಿದೆ. ಇದಕ್ಕಾಗಿ ಸಂದರ್ಭಕ್ಕೆ ಸೂಕ್ತವಾಗುವ ಚಾರ್ಟ್‍ಗಳನ್ನು ಬಳಸಲು ತಿಳಿದಿರಬೇಕಾಗುತ್ತದೆ. ವಿವಿಧ ಚಾರ್ಟ್‍ಗಳನ್ನು ಒಂದಾಗಿಸುವ ಕಲೆ ಕಲಿತಿರಬೇಕಾಗುತ್ತದೆ. ಇನ್-ಸೆಲ್ ಚಾಟ್ರ್ಸ್, ಕಂಡಿಷನಲ್ ಫಾರ್ಮೆಟಿಂಗ್ ಚಾಟ್ರ್ಸ್ ಇತ್ಯಾದಿ ಫೀಚರ್‍ಗಳನ್ನು ಬಳಕೆ ಮಾಡಲು ಗೊತ್ತಿರಬೇಕಾಗುತ್ತದೆ. ಕ್ರಿಯಾತ್ಮಕ ಮತ್ತು ಹೊಂದಾಣಿಕೆಯ ಚಾರ್ಟ್‍ಗಳನ್ನೂ ಅಡ್ವಾನ್ಸಡ್ ಚಾರ್ಟಿಂಗ್ ಕಲಿತರೆ ಮಾಡಬಹುದು.

ಪಿವೊಟ್ ಟೇಬಲ್‍ಗಳು ಮತ್ತು ರಿಪೆÇೀರ್ಟಿಂಗ್

ಬೃಹತ್ ಗಾತ್ರದ ಮಾಹಿತಿಗಳನ್ನು ವಿಶ್ಲೇಷಿಸಲು ಮತ್ತು ಪ್ರಶ್ನೆಗಳಿಗೆ ಕೆಲವೇ ಕ್ಲಿಕ್‍ಗಳ ಮೂಲಕ ಉತ್ತರ ಕಂಡುಕೊಳ್ಳಲು ಪಿವೊಟ್ ಟೇಬಲ್‍ಗಳು ಮತ್ತು ಪಿವೊಟ್ ರಿಪೆÇೀರ್ಟಿಂಗ್ ಫೀಚರ್ ಸಹಕಾರಿ. ಸರ್ಟಿಫಿಕೇಷನ್ ಕೋರ್ಸ್‍ಗಳಲ್ಲಿ ಇಂತಹ ವಿಷಯಗಳನ್ನು ಹೇಳಿಕೊಡಲಾಗುತ್ತದೆ. ಇದರ ಮೂಲಕ ಗ್ರೂಪಿಂಗ್, ಸ್ಲೈಸರ್ಸ್, ಕ್ಯಾಲ್ಕುಲೇಷನ್ಸ್, ಸಮ್ಮರಿ ಇತ್ಯಾದಿಗಳನ್ನು ಮಾಡಬಹುದು.

ಎಕ್ಸೆಲ್ ಭಾಷೆ

ಎಕ್ಸೆಲ್‍ಗೆ ತನ್ನದೇ ಆದ ಭಾಷೆಯಿದೆ. ಅದರ ಹೆಸರು ವಿಬಿಎ. ನಾವು ನೀಡಿದ ಸೂಚನೆಗಳಿಗೆ ತಕ್ಕಂತೆ ಎಕ್ಸೆಲ್ ಕಾರ್ಯನಿರ್ವಹಿಸಲು ವಿಬಿಎ ನೆರವಾಗುತ್ತದೆ. ಇದು ಸರಳ ಮತ್ತು ಶಕ್ತಿಶಾಲಿ ಟೂಲ್. ನಿಮಗೆ ವಿಬಿಎ ಬಗ್ಗೆ ಹೆಚ್ಚು ಜ್ಞಾನವಿದ್ದರೆ ಹಲವು ಗಂಟೆಗಳಲ್ಲಿ ಮಾಡುವ ಕೆಲಸವನ್ನು ಕೆಲವೇ ಕೆಲವು ಗಂಟೆಗಳಲ್ಲಿ ಮಾಡಿ ಮುಗಿಸಬಹುದು. ಇದರಿಂದ ಹಣ ಮತ್ತು ಶ್ರಮದ ಉಳಿತಾಯವೂ ಆಗುತ್ತದೆ.

ಎಕ್ಸೆಲ್ ಕೌಶಲಗಳು

ಎಂಎಸ್ ಎಕ್ಸೆಲ್‍ನಲ್ಲಿರುವ ಫೀಚರ್‍ಗಳನ್ನು ಕಲಿತರೆ ಸಾಲದು. ಅದನ್ನು ಸರಳವಾಗಿ ಬಳಸುವ ವಿಧಾನವನ್ನು ಕಲಿಯಬೇಕು. ಕೀಬೋರ್ಡ್ ಶಾರ್ಟ್‍ಕಟ್‍ಗಳು, ಮೌಸ್ ಶಾರ್ಟ್‍ಕಟ್ ಇತ್ಯಾದಿಗಳನ್ನು ಕಲಿಯಬೇಕು. ಆಗ ಕೆಲಸ ಸುಲಲಿತವಾಗುತ್ತದೆ. ಸರ್ಟಿಫಿಕೇಷನ್ ಕೋರ್ಸ್‍ಗಳಿಂದ ಇವನ್ನೆಲ್ಲ ಕಲಿಯಬಹುದಾಗಿದೆ. ಇದರೊಂದಿಗೆ ಡೇಟಾ ಟೇಬಲ್‍ಗಳು, ಸಿಮ್ಯುಲೇಷನ್ಸ್, ಸಾಲ್ವರ್ ಇತ್ಯಾದಿ ಫೀಚರ್‍ಗಳನ್ನು ಬಳಸಲು ಕಲಿಯಬೇಕಾಗುತ್ತದೆ. ಎಕ್ಸೆಲ್ ಜೊತೆಗೆ ಕಾರ್ಯನಿರ್ವಹಿಸುವ ಎಂಎಸ್ ಆ್ಯಕ್ಸೆಸ್, ಔಟ್‍ಲುಕ್ ಅಥವಾ ಪವರ್‍ಪಾಯಿಂಟ್‍ಗಳನ್ನು ಸಮರ್ಥವಾಗಿ ಬಳಸಲು ಅಡ್ವಾನ್ಸಡ್ ಎಕ್ಸೆಲ್ ಕೋರ್ಸ್ ಕಲಿತವರಿಗೆ ಸಾಧ್ಯವಾಗುತ್ತದೆ.

ಎಲ್ಲೆಲ್ಲಿ ಕೋರ್ಸ್ ಮಾಡಬಹುದು?

  • ಮೈಕ್ರೊಸಾಫ್ಟ್‍ನಿಂದ ಸರ್ಟಿಫಿಕೇಷನ್: ಮೈಕ್ರೋಸಾಫ್ಟ್ ಸಂಸ್ಥೆಯು ಎಂಎಸ್ ಎಕ್ಸೆಲ್ ಸಂಬಂಧಿಸಿದಂತೆ ಪರೀಕ್ಷೆ ನಡೆಸಿ ಸರ್ಟಿಫಿಕೇಟ್ ನೀಡುತ್ತದೆ. ಗೂಗಲ್‍ಗೆ ಹೋಗಿ ಮೈಕ್ರೊಸಾಫ್ಟ್ ಎಕ್ಸೆಲ್ ಸರ್ಟಿಫಿಕೇಷನ್ ಎಂದು ಸರ್ಚ್ ಮಾಡಿ.

  • ಮಣಿಪಾಲ್ ಪೆÇ್ರಲರ್ನ್ ಸರ್ಟಿಫಿಕೇಷನ್: ಇಲ್ಲಿ ಎಂಎಸ್ ಎಕ್ಸೆಲ್‍ಗೆ ಸಂಬಂಧಿಸಿದ ಅಡ್ವಾನ್ಸಡ್ ಕೋರ್ಸ್ ಅನ್ನು ಆನ್‍ಲೈನ್ ಮೂಲಕ ನೀಡಲಾಗುತ್ತದೆ. ಈ ಕೋರ್ಸ್ ಕಲಿಯಲು 5,725 ರೂ. ಶುಲ್ಕ ನಿಗದಿಪಡಿಸಲಾಗಿದೆ.

  • ಸಿಂಪ್ಲಿಲರ್ನ್‍ಡಾಟ್‍ಕಂನಲ್ಲೂ ಮೈಕ್ರೊಸಾಫ್ಟ್ ಎಕ್ಸೆಲ್ 2013 ಅಡ್ವಾನ್ಸಡ್ ಟ್ರೈನಿಂಗ್ ದೊರಕುತ್ತದೆ. ಈ ಆನ್‍ಲೈನ್ ಕೋರ್ಸಿಗೆ ಸುಮಾರು 3 ಸಾವಿರ ರೂ. ಶುಲ್ಕ ವಿಧಿಸಲಾಗುತ್ತಿದೆ.

  • ವಿ.ಸೂ: ಎಂಎಸ್ ಎಕ್ಸೆಲ್‍ನಲ್ಲಿ ಅಡ್ವಾನ್ಸಡ್ ಕೋರ್ಸ್ ನೀಡುವ ಹತ್ತು ಹಲವು ಸಂಸ್ಥೆಗಳು ನಿಮ್ಮ ಮನೆಯ ಸಮೀಪದಲ್ಲಿರಬಹುದು. ಅವುಗಳಿಗೆ ಜಾಯಿನ್ ಆಗಬಹುದು. ಅಲ್ಲಿ ನೀಡುವ ತರಬೇತಿ, ಸಂಪನ್ಮೂಲ ವ್ಯಕ್ತಿಗಳ ಬಗ್ಗೆ ಮಾಹಿತಿ ಪಡೆದ ನಂತರ ಜಾಯ್ನ್ ಆಗಿ. ಎಕ್ಸೆಲ್ ಅಷ್ಟೇನೂ ದುಬಾರಿ ಕೋರ್ಸ್ ಅಲ್ಲ. ಹೆಚ್ಚು ದುಡ್ಡು ಪೀಕುವ ಸಂಸ್ಥೆಗಳಿಂದ ದೂರವಿರಿ.


(published in vk mini)
SHARE

Author: verified_user

0 ಪ್ರತಿಕ್ರಿಯೆಗಳು: