ಸೋಷಿಯಲ್ ಮೀಡಿಯಾ ಯಾಕೆ ಬೇಕು?

ಹೊಸ ಉದ್ಯೋಗದ ಹುಡುಕಾಟದಲ್ಲಿ ಇರುವವರು ಮತ್ತು ಈಗಾಗಲೇ ಉದ್ಯೋಗದಲ್ಲಿ ಇರುವವರು ಸೋಷಿಯಲ್ ಮೀಡಿಯಾವನ್ನು ಸಮರ್ಥವಾಗಿ ಬಳಸುವುದು ಇಂದಿನ ಅವಶ್ಯಕತೆ.
* ನೀವು ಈಗಿನ ತಂತ್ರಜ್ಞಾನಗಳ ಬಗ್ಗೆ ಎಷ್ಟು ಅಪ್‍ಡೇಟ್ ಆಗಿದ್ದೀರಿ ಎಂದು ಕಂಪನಿಗಳು ತಿಳಿದುಕೊಳ್ಳಲು ಸಾಧ್ಯವಾಗುತ್ತದೆ.
* ಆನ್‍ಲೈನ್‍ನಲ್ಲಿ ನಿಮ್ಮ ಉದ್ಯೋಗ ಕ್ಷೇತ್ರಕ್ಕೆ ಸಂಬಂಧಿಸಿದ ಸಾಕಷ್ಟು ವ್ಯಕ್ತಿಗಳನ್ನು ಭೇಟಿಯಾಗಬಹುದು.
* ನೀವು ಇಂಟರ್‍ನೆಟ್ ಮತ್ತು ಸೋಷಿಯಲ್ ಮೀಡಿಯಾವನ್ನು ಯಾವ ರೀತಿ ಬಳಸಿಕೊಳ್ಳುತ್ತೀರಿ ಎಂದು ಕಂಪನಿಗಳು ತಿಳಿದುಕೊಳ್ಳುತ್ತವೆ.
* ಆನ್‍ಲೈನ್‍ನಲ್ಲಿ ನಿಮ್ಮನ್ನು ನೀವು ಬ್ರಾಂಡ್ ಮಾಡಿಕೊಳ್ಳಬಹುದು.
* ಸೋಷಿಯಲ್ ಮೀಡಿಯಾದಲ್ಲಿ ಹೊಸ ಉದ್ಯೋಗಾವಕಾಶಗಳ ಕುರಿತು ಅಪ್‍ಡೇಟ್ ಸಿಗುತ್ತದೆ.
* ಕೈಗಾರಿಕೆಗಳು, ಕಂಪನಿಗಳು ಮತ್ತು ನಿಮ್ಮ ಆಸಕ್ತಿಯ ಕ್ಷೇತ್ರಗಳ ಕುರಿತು ಅಧ್ಯಯನ ಮಾಡಬಹುದು.
* ಸೂಕ್ತ ಅಭ್ಯರ್ಥಿಗಳ ಹುಡುಕಾಟದಲ್ಲಿರುವ ಎಚ್‍ಆರ್‍ಗಳು, ನೇಮಕಾತಿ ಸಂಸ್ಥೆಗಳು ಅಥವಾ ಕಂಪನಿಯ ಮುಖ್ಯಸ್ಥರ ಗಮನವನ್ನು ಸೋಷಿಯಲ್ ಮೀಡಿಯಾದಲ್ಲಿ ಸೆಳೆಯಬಹುದು.